SuperDizionari

Tu âs cirût la peraule

prodotto di coda

torne indaûr

bilengâl

prodotto di coda

1

loc.s.m. code, prodot di code, code de distilazion

[TS] tecn. (part ultime di un procès di distilazion)

monolengâl

code s.f.
(co-de)

Part finâl dal cuarp di une vore di animâi vertebrâts, formade dal sprolungjament dal spinâl de schene

esemplis

"al clame il cjan e chel al cor sot il barcon menant la code"

gjavât fûr di "Il muc" di Roberto Ongaro

"si sintivin lis vacjis a rumiâ e a svintulâ il scovet de code sul stran par parâ vie lis moscjis"

gjavât fûr di "Gnot clare gnot scure" di Pieri Somede dai Marcs

code s.f.
(co-de)

Code di une bestie macelade

esemplis

"code di manç in umit"

code s.f.
(co-de)

Bestie, singul animâl dumiesti

esemplis

"o soi paron dome de cjase e di un flicut di braide e o ai une sole code te stale"

gjavât fûr di "Lis predicjis dal muini" di Josef Marchet

"une code di vacje, une code di purcit, une code di polam"

code s.f.
(co-de)

(anat.) La part finâl plui sutile di cualchi orghin

sinonims

cûl

esemplis

"cheste volte al veve riscjât une vore però. Plui di mieç pancreas — la "code" interie e part dal "cuarp" al jere lât in necrosi"

gjavât fûr di "Tal ospedâl" di Amedeo Giacomini

"cun chei cuatri no saressis rivât nancje a bagnâ la code dal gargat"

gjavât fûr di "Lis predicjis dal muini" di Josef Marchet

code s.f.
(co-de)

Petenadure che e da dongje i cjavei daûr dal cjâf e ju lasse vignî jù tant che une code

esemplis

"fâsi la code"

"une fantate cu la code"

code s.f.
(co-de)

Part finâl di un cualsisei ogjet

sinonims

cjaveç, cûl, daûr, font, ôr, pic, piç, poc, ponte

esemplis

"la code dal avion"

"la code dal râf"

"la code de bandiere"

"une scorie cun trê codis che a finivin in ponte cuntun balin di plomp"

gjavât fûr di "Il muc" di Roberto Ongaro

"cheste busute cuadre - al ripià l'ispetôr - e servìs par podêi impirâ dentri un cuadrinut, ce saio jo, une codute di lime, par esempli, e cun chê fâ zirâ la clâf"

gjavât fûr di "Cretevierte" di Roberto Ongaro

"fâ plateformis di ciment armât pes provis dai canons, la plateforme e il gjet pai pilons cul fier, indulà che si poie la code dal canon"

gjavât fûr di "Storie di Min" di Ivano Urli

code s.f.
(co-de)

Part finâl di un grup di elements, di ogjets, di personis

esemplis

"in pueste e jere une file cussì lungje che chei de code a savevin za che a vevin di spietâ almancul une ore"

code s.f.
(co-de)

Rie elements, massime personis, veicui e v.i., che a son in spiete e ancje il fat di stâ in spiete e il timp che si sta in spiete in rie

esemplis

"e jentrà svelte te cjase di Cosset un pôc malcuiete di pôre di cjatâ une code di int"

gjavât fûr di "La tiere di Lansing" di Maria Forte

"«codis» di miezis zornadis devant di une buteghe cu la fam che e muardeve su la bocje dal stomi"

gjavât fûr di "La aghe da pît la cleve" di Dino Virgili

code s.f.
(co-de)

Part zontade o conclusive

sinonims

conclusion, fin, prionte, rionte, zonte

esemplis

"forsit al dissen di leç i mancje une codute, une clausulute"

gjavât fûr di "Pantianis di cjase e gjats di fûr vie" di Riedo Pup

"rivâ a sintî dome la code de predicje"

code s.f.
(co-de)

Continuazion tal timp o piçule repliche

esemplis

"il timp, in chês zornadis li, nol mancje mai di fâ biele figure: soreli e atmosfere tividine: une codute di Istât"

gjavât fûr di "I furlans e Sant Martin" di Riedo Pup

code s.f.
(co-de)

(metr.) Sprolungjament dal scheme metric ordenari di une composizion

esemplis

"inte ultime redazion il sonet al à titul Sunt de me vite e Broili i zonte une code"

gjavât fûr di "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin

code s.f.
(co-de)

Part finâl di un vistît che dispès si strissine par tiere

esemplis

"la code dal frac"

"chei che a lavorin in grant tes locandis dai siorons, cu lis manecis di piel e la gjachete cu la code"

gjavât fûr di "Lis predicjis dal muini" di Josef Marchet

code s.f.
(co-de)

Segn o usme lassade di alc che si môf

sinonims

sdrasse, ferade

esemplis

"la code de comete"

"lis scoreadis a sclopavin come sbârs e a lassavin une code ruane su la cjar de fantate"

gjavât fûr di "Trê feminis" di Gianni Gregoricchio

"come se jê e fos une bolp o une faìne, e e lassàs une code di odôr di salvadi daûr di se"

gjavât fûr di "Il dolfin" di Carlo Sgorlon

code s.f.
(co-de)

Complès dai efiets, consecuencis di un fat, ancje cuntune cierte durade tal timp (fig.)

sinonims

continuazion, strassin, rie, sprolungje

esemplis

"ogni tornade dai Conseis e je une barufe; e dopo la barufe, une code di polemichis sui sfueis dai partîts"

gjavât fûr di "Barufis" di Josef Marchet

code s.f.
(co-de)

(tecn.) Prodots residuâts

esemplis

"la code de lavorazion"

code s.f.
(co-de)

(tecn.) Ultime frazion di un procès di distilazion

code s.f.
(co-de)

Ancje in funzion di adi.inv., ultin di plui fîs

sinonims

codarûl, codute

esemplis

"la vuere e jere une ruvine complete, ma lis cartulinis a continuavin a rivâ. E cussì tal Setembar dal '42 mi rivâ ancje a mi, che o jeri la code de famee: disenûf agns"

gjavât fûr di "La cartuline" di Alan Brusini

code s.f.
(co-de)

Cont lassât di paiâ

code s.f.
(co-de)

Amarantus caudatus

detulis

"a freâi la schene al gjat, al drece la code"

"a son tancj i mus in montagne che a àn la code compagne"

"al è miôr tignîlu pe brene che no alçâlu pe code"

"al mene la code il cjan no par te ma pal pan"

"ancje il cjan cul menâ la code si vuadagne la spese"

"cuant che il mus nol à fate la code di trente agns, no le fâs altri"

"cuant che lis feminis si picjin, il diaul si petene la code"

"cuant che si crôt di ripiâsi, e je chê volte che si è su la code dal mus"

"divuardi che la cjavre e ves la code lungje"

"dome che il mus al mene la code par dibant"

"dulà che il diaul nol po rivâ al met la code"

"e clope ancje la code dal mus, ma no cole"

"e treme la code dal mus, ma no cole mai"

"freii la schene al gjat che al dreçarà la code"

"il cjan nol mene la code par dibant"

"il cjan nol môf la code se no si lu paie"

"il diaul là che nol met il cjâf al met la code, e cui che no lu cjace lu sacode"

"il mus che nol à fat la code di trente agns no le fâs plui"

"il velen al sta te code"

"intant che i litighents a tirin la vacje, un pai cuars e un pe code, i avocats a molzin"

"lauditi cjan che tu âs la code lungje"

"lauditi cjan che tu âs une biele code"

"Març al mene la code pal bearç"

"miôr tignîlu pe cjavece che no alçâlu pe code"

"miôr vuê il râf e doman la code"

"nancje il cjan nol mene la code dibant"

"no bisugne tocjâi la code al madrac"

"nome il mus al mene la code par dibant"

"ogni cjan al laude la sô code"

"ogni cjan al laude la sô code, ogni femine il so frut"

"ogni famee al è un demoni e al mene la code pardut"

"Sant Zuan nol imbroie une code di cjan"

"se il mus nol à fat la code di vincj agns, no le fâs plui"

"une femine cence grumâl a je tant che une vacje cence code"

torne sù

bilengâl

loc.s.m. code, prodot di code, code de distilazion

monolengâl